Gikumpirma sa Department of Education (DepEd) nga makadawat ug P7,000 nga kantidad sa annual medical allowance ang mga magtutudlo ug non-teaching personnel sa nasud.
Kini ang kabahin sa inisyatibo ni Education Secretary Sonny Angara, aron makunhuran ang pinansyal nga gipas-an sa mga magtutudlo sa ilahang medical expenses.
Gusto sa ahensya nga mahan-ay ang healthcare access sa mga magtutudlo ug mapalambo ang kahimtang sa ilahang panglawas ug mahimong produktibo isip mga empleyado sa ahensya.
Ang nahisgutang kantidad ang mas taas kung ikumpara sa kanhi P500 medical allowance.
Gipahayag sa ahensya nga pagsunod kini sa direktiba ni Pangulong Ferdinand Marcos jr. nga seguruhon nga ang tanang magtutudlo sa nasud ang wala nay hunahuna-on sa ilahang magasto.
