-- ADVERTISEMENT --
Gilimod sa Malacañang ang mga pasangil ni Batangas Rep. Leandro Leviste kalabot sa giingong ₱7.5 billion nga pundo nga gilambigit kang Executive Secretary Ralph Recto, nga giingong gibase sa gitawag nga “Cabral files.”
Matod ni Palace Press Officer, Undersecretary Claire Castro, lisod sulbaron ang mga alegasyon nga walay gipakita nga mga dokumento, klaro nga basehan, o ebidensya sa mga anomaliya.
Matud pa ni Castro nga gikompirma sa Office of the Executive Secretary nga dili tinuod ang maong alegasyon ug gikonsidera kini nga fake news.
Dugang ni Castro nga wala pay nakitang mga dokumento ang media ug ang Malacañang nga magpamatuod sa mga pasangil ni Leviste.
