Gibutyag ni House Appropriations Committee Vice Chair Zia Alonto Adiong nga gibalik na sa Ubos Balay Balauranan sa Kongreso ang ₱60 bilyon nga pondo sa Philippine Health Insurance Corporation o PhilHealth.
Sumala ni Adiong, gihimo ang maong lakang gihimo aron dali nga pagtubag sa direktiba nga gikan mismo kang Pangulong Ferdinand R. Marcos Jr.
Gibutyag niini nga gihimo kini bisan wala pa magpagawas ang Korte Suprema og kamanduan sa pagbalik sa maong pondo pinaagi sa 2026 national budget.
Ang pahayag ni Adiong usa ka direkta nga pagtubag sa unang gibutyag ni Cardinal Pablo Virgilio David, nga nagpasabot nga dili lang simpleng “backfilling” ang angay buhaton, apan kinahanglan usab nga subayon ug imbestigahan ang mga indibidwal o grupo nga posibleng nakapahmulos o mikita gikan sa pagbalhin sa pondo.
Gikan sa orihinal nga ₱53 bilyon nga alokasyon alang sa PhilHealth alang sa tuig 2026, gidugangan pa kini og tibuok ₱60 bilyon, busa ang kinatibuk-ang alokasyon miabot na sa ₱113 bilyon ilawom sa budget nga giaprubahan sa Kamara.
