Gikatakdang isubmitar karong adlawa sa administrasyon ni Pangulong Ferdinand Marcos Jr., sa House of Representatives ang sugyot nga P6.352 trilyon nga national budget alang sa tuig 2025.
Ang 2025 National Expenditure Program ang pormal nga gisubmitar ni Budget Secretary Amenah Pangandaman ngadto kay Speaker Ferdinand Martin G. Romualdez ug uban pa nga opisyal sa Kamara de Representantes.
Ang simple nga turn over ceremony ang gikatakdang mahitabo karong alas dyes sa buntag sa Romualdez Hall sa Kamara sa Batasang Pambansa Complex sa Quezon City.
Matud pa ni Romualdez nga naka-andam na gayud ang Kamara aron dawaton kini og dali nga sugdan ang deliberasyon niini sa komite.
Matud pa sa lider sa Kamara nga ang maong sugyot nga budget ang tun-ann pag-ayo ug gamiton ang oversight function niini aron masiguro nga sakto ang ginabuhat nga paggasto niini sa mga ahensya sa gobyerno.
Ang bersyon nga gisubmitar matud pa sa Kamara ang nakalinya sa mga prayoriad ug Agenda sa prosperidad ni PBBM, kana sigon ni Romualdez.
Matud pa nga target sa Kamara nga mmaaprubahan ang sugyot nga budget ayha pamang ang recess sa sesyon sa Oktubre.
Sa milabayng semana, human nga giinspeksyon ang mga gibaha nga lugar sa Metro Manila, giinsister ni Speaker ROmualdez ang panginahanglan nga repasuhon ang mga flood control project aron masiguro nga sakto pa kini sila.
Ipasa sa Pangulo ang budget sa kongreso eksakto usa ka semana human ang pag-abli sa ikatulo nga regular nga sesyon sa 19th Congress ug mas syo kini og tulo ka semana sa deadline nga gitakda sa konstitusyon.
Ang maong sugyot nga budget nga ipasa sa Pangulo ang gitawag nga National Expenditure Program (NEP).
Kini ang basehanan sa kongreso nga buhaton nga General appropriations Bill ug kon kini ang mapiramahn sa pangulo tawagon na kini nga General Appropriations Act.
Ang maong sugyot nga budget alang sa sunod nga tuig ang mas dako og P585 bilyon kon itandi sa P5.767 trilyon nga budget karong tuiga.
