Nagtanyag karon og P50,000 nga pabuya si Davao de Oro Governor Dorothy Gonzaga alang sa kinsa mang makahatag ug adunay impormasyon sa responsable sa pagpatay sa Critically Endangered Philippine Eagle nga si Mangayon.
Kini alayon sa hugtanong pagkondena sa Department of Environment and Resources XI (DENR XI) ug Provincial Local Government of Davao de Oro aron mas mapadali ang pag-ila sa nagbuhat niini.
Ning kasamtangan, nagkipagtambayayong na ang DENR XI sa mga law enforcement agencies sa pagpalawom sa ginalusad nga imbestigasyon.
Giawhag karon sa governor ang publiko sa pagtabang nga matuman ang ilang laraw lakip na usab ang pagpabiling mabinantayon sa pag-amping sa wildlife species aron dili na mausab pa ang gidangatan ni Mangayon.
Alang sa kinsa mang adunay mahinungdanong impormasyon nga mahatag, mamahimong mo-contact lamang sa DENR-PENRO Davao de Oro pinaagi ni Jhonitz King Isaac sa numerong 0927-644-8394 o di kaha magpadala og mensahe sa penrodavaodeoro@denr.gov.ph kabahin sa maong trahedya aron dayong matagaan og hustisya ang pagkamatay ni Mangayon.
