Gipasegarbo sa House Quad Committee ang accomplishment sa Marcos administration, diin mukabat sa P49.82 billion ang kantidad sa illegal drugs nga nakumpiska kung ikumpara sa war on drugs sa Duterte administration nga mubalor sa P25.195 billion ang nakumpiska.
Matod pa ni House Quad Committee lead chair Surigao del Norte Rep. Robert Ace Barbers ang nahisgutang datos ang nakuha gikan sa official report sa PDEA, PNP ug NBI.
Dugang pa ni Barbers, ang nahisgutang datos ang baliktad sa mga pamahayag sa kanhi administrasyon nga malampuson ang ilahang kampanya batok sa iligal nga droga.
Sa Marcos administration, mosobra sa 800 ka mga drug suspects ang namatay samtang sa Duterte government, miabot kini ug mosobra sa 20,000 sa extrajudicial killings.
Dugang pa ni Barbers, bisan susama ang tumong sa duha ka administrasyon nga pakigbatukan ang iligal nga droga ug ipabilin ang peace and order, ang approach sa kanhi administrasyon ang agresibo ug bayulente.
