DAVAO CITY – Gikatakdang ipahigayon karung bulana ang groundbreaking ceremony alang sa bag-ong P40-million nga upat ka andanas nga Davao City Library.
Sumala pa kang Davao City Library head Pedrita Badar , magsugod na karung semana ang contractor sa pagbungkag sa gambalay nga nahimutang sa kanhi Central 911 Building sa C. Bangoy Street, atubangan sa Davao Light and Power Company.
Gikanayong ang ground floor sa itukod nga City library mamahimong maka-cater ug mga persons with disabilities, mga bata ug senior citizens. Ang andanas sab adunay ipahimutang nga banyo ug adunay elevators.
Adunay parte usab sa gambalay ang itagana alang sa computer area.
Gitataw ni Badar nga kinahanglan nila karun ug dugang nga mga personahe alang sa mga bakante nga posisyon ug kinahanglan una nila nga obserbahan ang demand sa mga personahe sulod sa unang unom ka bulan atol sa operasyon.
Laoman sumala pa nga matapos ang gambalay sa tuig 2019. Gikanayong ang nahisgutan nga proyekto gipundohan sa Philippine Amusement and Gaming Corporation.
