DAVAO CITY – Mokabat ngadto sa kwatro milyones ka pesos ang namugnang kadaut sa pagkasunog sa usa ka furniture shop.
Traynta ka mga trabahante ang apektado sa sunog nga miulbo pasado alas 2:00 ang takna sa kaadlawon.
Nalangan ang kambomberohan sa pagkontrola sa sunog gumikan sa mga flammable materials nga anaa sa dapit labi na sa bodega sa Plumbial Enterprise sa Purok 13, Seaside, Bago Aplaya, nga gipanag-iya ni Leonardo De Jesus Remondo.
Nasayran gikan kang Fire Officer 1 Jerimiah Gayo nga mga kwatro milyones ka pesos ang namugna nga kadaut sa pag-ulbo sa sunog.
Naglisod ang kabomberohan sa pagkontrola sa sunog gumikan kay sulod sa nasunog nga bodega ang mga dali masunog nga mga kemikal, sama sa rugby, pintura, foam ug uban pa nga mga dali dakpon sa sunog nga mga butang.
Kapin traynta ka mga trabahante ang na-apektohan sa nahisgutan nga sunog.
Gipaningkamutan sa kabomberohan nga dili na makatabok sa lain gambalay ang nahisgutan nga sunog.
Nasayran nga daghanan nga mga residente ang nanimuyo sa palibot sa Plumbial Enterprise sa Purok 13, Seaside, Bago Aplaya, ning dakbayan sa Davao.
