DAVAO CITY – Gibana-bana sa lokal nga kagamhanan nga maka-kolekta kini ug dul-an P32 million gikan sa amusement tax sa higayon nga mahimo nang legal ang online sabong sa dakbayan sa dabaw.
Gikanayon ni Councilor Danilo Dayanghirang, committee chairperson sa games and amusement sa city council nga kini ang subay sa proposed P250 amusement tax collection matag sultada round sa sabongmatag tuig.
Sumala pa niini, kungkaniadto nga walapay pandemic maka-kolekta ang syudad ug 10% per ticket, apan karong panahona nga wala nay entrance fees, mo-kolekta sila ug P250 matag sultada bugti sa 10-percent amusement tax.
Apan, mipadayag ug kabalaka si City Treasurer’s Office (CTO) representative Mary Emilou Limpot, labot sa pagpatuman o sa collection sa taxes sa original draft sa proposed ordinance.
Gikatarungan ni Limpot nga tungod kay electronic ang e-sabong aduna kini implikasyon sa hisgutanang administratibo partikular na sa determinasyon ug sa pagsubay sa mga resibo gikan sa mga patad niini.
Hinuon, gipaniguro sa komitiba nga moduso sila ug 2 ka ordinansa diin usa niini alang sa local application samtang ang usa ang alang sa national application.
Gibutyag usab ni Dayanghirang nga irekomenda usab sa iyang komite ang pagpalig-on sa 2 ka mga ordinansa nga gilangkuban sa paghatag ug pagtugot sa live broadcast ug data streamed cockfighting activities ug derbies operation sulod sa dakbayan sa dabaw ug ang pagtugot sa e-sabong pinaagi sa pag-amyenda sa mipatigbabaw nga probisyon sa cockfighting code sa dakbayan sa dabaw.
