Gipahibalo ni Presidente Ferdinand “Bongbong” Marcos Jr. nga ipadayon hangtod 2026 ang P300 bilyones nga pondo alang sa mga flood control project, basta adunay klaro ug lig-on nga mga safeguard.
Sa iyang pagbisita sa Gonzaga, Cagayan, gibug-aton sa presidente ang importansya sa maayong proposal, klarong program of work, ug pagtugot sa lokal nga panggamhanan isip bag-ong basehan sa pagpang-aprobar ug pagpahigayon sa proyekto.
Gipasalig usab ni Marcos nga dili na mausab ang mga pang-abuso sa paggamit sa pondo alang sa mga imprastruktura.
Matod pa niya, ang gobyerno tigbantay lamang sa kwarta sa katawhan ug angay gamiton kini alang sa kaayohan sa tanan.
Dugang pa, gihatagan usab og mando ni PBBM ang pagbalhin sa P255.5 bilyones gikan sa DPWH ngadto sa uban pang ahensya aron masuportahan ang ilang mga prayoridad nga programa.
