-- ADVERTISEMENT --
Mukabat sa P30 million ang kantidad sa smuggled nga sigarilyo nga nababagan sa Naval Forces Eastern Mindanao (NFEM) sa Island Garden City of Samal (IGaCoS), Davao del Norte.
Gibutyag ni Reynante Villela, ang Public Affairs Officer sa NFEM nga anaa sa kapin 800 ka karton sa mga sigarilyo ang nasakmit alas 9:30 ang takna sa gabii niadtong nakalabayng adlaw petsa 23 ning bulana.
Nasayran nga ang nasampit nga bangka, diin karga ang mga smuggled nga mga sigarilyo ang adunay sakay nga mga onse ka mga indibidwal.
Nailhan usab kining mga Tausug nga nagpuyo gikan sa Basilan, lakip na usab ang tag-iya sa bangka.
Ginalauman karon nga mag-atubang kinig kaso labot niining maong panghitabo nga angay ibatok ngadto kanila.
-- ADVERTISEMENT --
