Gihatag ni President Ferdinand Marcos Jr. ang mukabat sa P30 million nga financial assistance sa libo-an ka mga mag-uuma ug mangingisda nga naapektuhan sa El Niño phenomenon sa mga probinsya sa Davao de Oro, Davao del Norte ug Davao Orriental.
Gihatag ang tag-P10 million kang Davao del Norte Acting Governor De Carlo Uy, Davao de Oro Gov. Dorothy Gonzaga, ug Davao Oriental Gov. Niño Sotero Uy Jr.
Gipasalig sa Presidente sa mga mag-uuma ug mangingisda nga determinado ang administrasyon niini nga ipadayon kung unsa ang nasugdan.
Gipaniguro usab niini sa mga nahisgutan nga makabenepisyo sa mga programa ug proyekto sa gobyerno.
Gikabutyag nga mosobra sa usa ka libong pamilya sa 16 ka mga barangay sa Davao region ang grabeng naapektuhan sa El Niño ug mubalor sa P50 milyon ang kantidad sa pagkalugi sa mga mag-uuma ug mangingisda.
Gawas sa P10 milyon nga financial aid, lakip na usab niini ang mga machineries nga rice combine harvesters, floating tillers, walk behind transplanters, and 4-wheel tractors lakip na ang bugas.
