DAVAO CITY – Tres milyones ka pesos ang gitagana sa kagamhanang dakbayan sa Davao nga hinabang alang sa mga biktima sa kagubot nga mugna sa Maute ISIS sa dakbayan sa Marawi.
Kini gumikan sa tabang sab sa prebadong sector.
Hinoon bisan pa sa unang mga balita nga duna na’y pipila ka barangay sa dakbayan sa Davao nga nasudlan sa mga bakwit gikan sa dakbayan sa Marawi, apan gi-awhag lamang sa mga barangay opesyal nga kinahanglan nga ma-rehistro ang mga dayo o kaha bakwit aron nga ka-isyohan ug ID.
Sumala pa kang Davao City Mayor Inday sara Duterte-Carpio nga gipa-andam na niya ang hinabang pinaagi sa City Social Serevices and Development Office (CSSDO) alang sa mga bakwit.
Hinoon gi-tap na karon ni Mayor Inday ang Philippine Army aron nga sa ila na lamang i-agi ang hinabang aron nga dili na mabutang sa katalagman ang kinabuhi sa mga sibilyan nga modala unta niini.
Wala pa hinooy tino nga petsa kung kanus-a gayud mapadala ang hinabang.
