Gikonsidera karon sa usa ka political analyst nga insensitive ang P20M budget nga gitagana sa Malakanyang alang sa umalabot nga SONA ni Pangulong Ferdinand Bongbong Marcos Jr.
Sumala pa ni Ramon Beleno III, usa ka Political Analyst, nga dili gayud malikayan nga makadungog og pagsaway sa katawhan hilabi pa sa mga nasinatiang inflation sa nasud kalakip na ang kakulangan sa trabaho ug padayong kalisod nga nasinatian sa mga pilipino.
Dugang pa niini nga dili importante ang kadako sa budget sa maong higayon gumikan ang mas labing maayo tagaan og pagtagad mao ang unod sa mensahe sa pangulo kung kumusta na ba ang atoang nasud ubos sa iyang pagdumala.
Matud pa sa nahisgutan nga insensitive ang maong desisyon ug mas maayo na lamang unta kung gihatag kini sa mga mag-uuma nga labing nanginahanglan.
Pipila usab matud pa sa posibleng pagahisgutan sa pangulo atol sa SONA mao ang problema security, electricity, sitwasyon sa West Philippine Sea, DepEd, Charter Chage ug uban pa.
Sa pikas bahin, gikanayon ni Beleno nga aduna gayuy posibilidad nga dili mo attend sa SONA si Vice Presidente Sara Duterte.
Usa sa ginalantaw nga nag-unang rason sa political analyst mao ang matud pa pagbungkag sa unity o relasyon sa duha. Sumala pa ni Beleno kung galing motambong si VP Sara sa SONA, posibleng mamahimong sentro ang iyang mgalihok.
Samtang makonisedera usab matud pa nga problematic ang gibutyag ni VP Sara nga appointed designated survivor nga posibleng mahimong magamit batok kaniya kung galing adunay dili maayong panghitabo.
Hinoon, daan nang gipasalig sa mga kapulisan ang hugtanong pagbantay sa seguridad atol sa maong adlaw.
