Gipangayo karon sa transport group nga Manibela ang P2 nga temporaryong pagsaka sa pliti taliwala sa padayon nga pagsaka sa presyo sa lana, nga tungod sumala pa sa epekto sa kagubot sa Middle East.
Gipasabot ni Mar Valbuena nga ang maong lakang unta mao na ang ilang last resort kon dili sila matabangan pinaagi sa ayuda, pagkunhod sa excise tax, ug pagsuspinde sa Value Added Tax (VAT) sa produktong petrolyo.
Apan matod pa niya, gilauman nga mosaka pag-usab og P15 ang presyo sa produktong petrolyo sa sunod semana, mao nga panahon na usab alang sa ilahang grupo nga mosuporta sa panawagan nga temporaryong pagsaka sa pliti nga P1 hangtod P2.
Dugang pa ni Valbuena, daghang mga drayber ang mawad-an og P400 hangtod P500 nga inadlaw nga kita tungod sa bag-ohay lamang nga pagsaka sa presyo sa lana.
Tungod niini, napugos na usab ang ubang mga drayber sa pampublikong transportasyon nga magpatuman og alternatibong iskedyul sa pagpamasada aron malikayan ang pag-ilog sa pasahero, ilabi na kung dili peak hours diin gamay lamang ang mga pasahero.
Gibutyag usab sa grupo nga dili igo ang P5,000 nga fuel subsidy nga gihatag sa gobyerno.
