DAVAO CITY – Aprubado na sa lokal nga panggamhanan ang paghatag og P2.5 million alang sa probinsiya sa Masbate ug munisipalidad sa Magsaysay sa Davao del Sur nga susamang naapektohan sa kalamidad.
Sa nahisgutan nga kantidad, P1 million ang alang sa Masbate ug P1.5 million sa Magsaysay.
Kahinumduman nga ang Masbate ug Magsaysay susamang gipailalom sa state of calamity.
Ang Masbate apektado sa pagkuso-kuso sa bagyong Tisoy samtang ang Magsaysay una ng naapektohan sa sunod-sunod nga linog kaniadtong bulan sa Oktubre.
Maggikan sumala pa ang financial assistance gikan sa 30 percent sa City’s Quick Response Fund gikan sa percent Disaster Risk Reduction and Management Fund (Calamity Fund).
Human ang pag-apruba, ihatud gilayon sa City Disaster Risk Reduction and Management Office ang nahisgutang cash assistance sa lugar.
Kahinumduman nga kaniadtong Disyembre 2 ug 3, mikuso-kuso ang Typhoon Tisoy (Kammuri) sa probinsiya sa Sorsogon, Masbate, Marinduque ug Oriental Mindoro.
Samtang ang munisipalidad sa Magsaysay ang usa sab sa area nga apektado sa sunod-sunod nga linog nga nasinatian sa Cotabato kaniadtong Oktubre.
