Mokabat na sa P2.2 bilyon ang kantidad sa kadaut nga nahatod sa kusog nga linog nga adunay gikusgon nga magnitude 7.4 nga miigo sa Davao Oriental sa kapin 500 ka mga tunghaan niadtong Byernes subay sa inisyal nga pagbana-bana sa nagpadayon nga damage assessment.
Subay sa situation report sa Department of Education (DepEd), kinatibuk-an nga 1,006 ka mga tunghaan sa Mindanao ang naapektuhan sa linog.
Resulta kini sa paghunong sa klase nga nakaapekto sa kapin 101,000 ka mga estudyante ug 9,500 ka mga magtutudlo.
Sa maong ihap, 139 ka mga estudyante ug 50 ka magtutudlo ang na-report nga naangol tungod sa kusog nga linog.
Gisuspendi usab ang face-to-face classes sa 97 porsyento sa mga naapektuhang tunghaan aron makapahigayon og inspeksyon ug engineering assessments ang kagamhanan.
Samtang temporaryo usab karon nga mipailawom sa alternative learning delivery modes aron magpadayon gihapon ang edukasyon sa mga kabataan.
Matod sa DepEd, nagpadayon usab ang mga Disaster Risk Reduction coordinators ug mga engineers sa pagpatuman sa rapid visual assessments sa estruktura sa mga tunghaan.
