P17-T nga utang sa nasud, di angay kabalak-an! – Recto

Walay angay matud pa nga ikabalaka ang publiko sa utang sa Pilipinas. Subay sa datos,miabot na sa dul-an ₱17 trillion ang utang sa nasud.

Sumala pa ni Department of Finance (DOF) Sec. Ralph Recto, padayon ug namanage pa sa gobyerno ang utang sa nasud subay sa gitawag nga fiscal discipline.

Dugang pa niini nga “very vigilant” o hilabihan ang pagbantay sa gobyerno gumikan dili matud pa musugot ang gobyerno nga i-max out ang national credit card sa Pilipinas.

Apan, gikinahanglan matud pa nga masabtan sa publiko nga sa dihang nagsugod ang administrasyong Marcos niadtong tuig 2022, giatubang matud pa ang ₱12.8 trillion nga utang sa milabayng Duterte administration.