Nag-atang na ang bag-ong pagsaka sa presyo sa mga produktong petrolyo sa sunod semana nga posibleng moabot og ₱16 matag litro, tungod sa padayon nga geopolitical conflict sa Estados Unidos, Israel, ug Iran.
Subay sa upat ka adlaw nga monitoring sa trading sa Mean of Platts Singapore, gibana-banaan nga ang diesel mosaka og ₱16 matag litro, gasolina nga anaa sa ₱11 kada litro, ug kerosene – ₱3.50 kada litro.
Sumala ni Sharon Garin, hangyuon sa DOE ang mga gasolinahan nga tagi-tagihon ang pagsaka sa presyo ug ipadayon ang discount promos aron malimitahan ang epekto sa publiko.
Gipahibalo usab ni Garin nga adunay igong suplay sa lana ang nasud hangtod Abril, o dul-an 50 ka adlaw, samtang nagpadayon ang koordinasyon sa gobyerno ug oil companies aron makakuha og mas paspas ug posibleng mas barato nga suplay.
Gihangyo sa kalihim ang publiko nga magdaginot sa gasolina, likayan ang dili kinahanglan nga biyahe, ug kung mahimo, ipatuman sa mga kumpanya ang work-from-home setup.
Nagpahinumdom usab kini nga dili mag-hoard sa gasolina aron dili maapektuhan ang delivery ug suplay sa mga gasolinahan.
