DAVAO CITY – Usa ka milyon ka pesos nga cash prize ang giandam sa lokal nga kagamhanan alang sa grand winner sa matag usa sa 2 ka mga category sa Indak-indak sa Kadalanan karong tuiga subay na usab sa kasaulogan sa Kadayawan Festival 2022.
Gipagawas na sa mga organizers sa 37th Kadayawan sa Davao Festival ang general mechanics ug guidelines alang sa street dancing competition.
Gani sa nakalabay nga adlaw abri na ang registration alang sa gikahinaman nga panagsangka sa indak-indak.
Mamahimong managsangka ang mga grupo sa open category ug sa Davao City school based category.
Gawas sa grand champions, makadawat usab og cash prizes ug trophies ang mga second hangtud fifth placers sa susamang categories.
Samtang ang runner-ups ang maakadawat og P500,000 samtang ang third placers makadawat usab og P400,000, P300,000 sa fourth place ug P200,000 usab alang sa fifth place.
Makadawat og P20,000 sab ang mga dili makadaug nga mga grupo isip consolation prize ug ang best choreographers makadawat usab og P50,000.
