Gikumperma sa Malakanyang nga mismong ang Office of the President (OP) ug si Pangulong Ferdinand Marcos jr. ang mitubag sa hospital bill ni national artist Nora Aunor ug dili ang Philippine Charity Sweepstakes Office (PCSO).
Gipahayag ni Presidential Communications Office (PCO) Senior Undersecretary Ana Puod, kini ubos na usab sa hospitalization benefits sa mga national artists. Gipahayag pa sa tinubdan, personal nga gibayaran ni PBBM ug First Lady Liza Marcos ang uban pang gasto ni Aunor sa hospital, lakip na ang uban pang mga utang sa namatay nga aktres. Subay sa inpormasyon nga nakuha ni PCO Sec. Jay Ruiz, mukabat sa P1.8 million ang hospital bill.
Dugang gipahayag pa niini gawas sa makuha isip national artist, mihatag usab ug personal nga kwarta ang magti-ayon.
