DAVAO CITY – Gikatakdang itunol sa lokal nga kagamhanan ang dugang P1.6 million nga financial assistance alang sa mga lugar nga apektado sa pagkuso-kuso sa Bagyong Quinta.
Kini human nga gi-aprubahan na sa 19th city council ang nahisgutang tabang pinansiyal nga P1 million alang sa probinsiya sa Quezon ug tig-P300,000 sab alang sa lungsod sa Lobo sa Batangas ug San Narciso sa Quezon.
Sumala pa ang Konsehal Danny Dayanghirang, chairperson ng committee on Finance Ways and Means, ang maong pondo gikan sa 30% sa Quick Response Fund (QRF) sa Disaster Risk Reduction and Management Fund (calamity fund) sa lungsod.
Kahinumduman nga una na sab nga mihatag ang lokal nga kagamhanan ug P7.5 million nga tabang pinansiyal sa uban pang mga lugar nga apektado sa Bagyong Quinta ug Rolly.
