DAVAO CITY – Nagpadayon ang hinabang sa Overseas Workers Welfare Administration (OWWA) XI ngadto sa mga Returning Overseas Filipino (ROF) nga naapektuhan sa Covid-19 pandemic.
Base sa datus sa OWWA XI, nga mikabat na sa 22,942 ang mga ROFs ang natabangan sa ahensya pinaagi sa sweeper flights.
Kung diin ang nahisgutan nga sweeper flights usa kini sa gihanyag sa gobyerno alang sa mga OFWs nga bu-ot mouli sa syudad.
Gawas niini, mihatag sab og assistance ang buhatan sama na lamang sa libre nga accommodations ug pagkaon alang sa mga ROF nga nagapa-abot gihapon sailang RT-PCR test result.
Subay niini, dako sab ang kalipay ug pasalamat sa buhatan gumikan sa kooperasyon nga gipakita sa mga lokal nga kagamhanan ug probinsya gumikan sa pagsundo ug pagpahimutang sailang residente.
Gani, mapasalamaton sab ang mga ROFs sa ahensya hilabi na sa mga LGUs gumikan sa ilang aktibong pagpanguna sa nahisgutan nga tabang.
