DAVAO CITY- Anaa na sa ika-unom ka adlaw ang Outbreak Response Immunization (ORI) sa Barangay 23-C.
Kini ang gikumpirma ni Vilma Ong nga sakop ni Dra. Vilma B. Gonzaga, Medical Officer 6 sa Health Center.
Gipunterya nila ang Purok 3 ug 4. Ginatoplokan nila ug bakuna ang nag-edad ug unom ka bulan hangtud sa singkwenta y nueve ka bulan nga mga bata.
Dunay mga ginikanan nga magpanagana sa pagpabakuna sa ilang mga anak apan gipasabot sa mga Barangay Health Workers ang kamahinongdanon niini.
Sumala pa kang Ong nga sa kasamtangan mikabat na sa kwarenta y tres ang mga positibo nga nagka-tipdas subay sa record gikan sa SPMC ngadto sa DOH ug sa CHO.
Subay niini nga kahimtang gipahimangno-an ang mga residente nga duna na’y sintomas sa tipdas nga mopa-check-up gilayon aron nga kadapatan sa tukma nga pagpanambal.
