DAVAO CITY – Subling naglusad kagahapong adlawa ug Oplan Bitag Sasakyan ang mga nagkadaiyang hingtungdan nga ahensiya sa kagamhanan diin ubay-ubay nga mga sakyanan ug motorsiklo ang nangadakpan.
Tipik lamang kini aron masiguro nga dili makalusot sa dakbayan kadtong nga mga sakyanan nga kolorum ug mga motorsiklo nga walay igong dokumento.
Pipila sa mga area nga gibantayan sa otoridad ang Norte nga bahin partikular na sa may buhangin ug Sasa area.
Kahinumduman nga kaniadtong milabay nga semana, nahitabo ang aksidente sa Mahayahay Bunawan ning siyudad diin onse katao ang patay samtang pito ang samaran.
Nahimong hinungdan sab kini nga gisaway ni Vice Mayor Paulo Duterte ang mga hingtungdan nga ahensiya sa kagamhanan nga manakop lamang kung adunay mahitabong aksidente dungan sa pag-akusa nga pipila sa mga nahisgutan ang nalambigit sa under the table o mangayo ug talay gikan sa ilang madakpan nga mga motorista.
