DAVAO CITY – Gipahimangnoan sa local security forces ang mga Dabawenyos nga magpabilin na lamang sa ilang mga panimalay atol sa ipahigayon nga Alveo Ironman 70.3 sa domingo, Marso 25 aron malikayan ang paghuot sa dagan sa trapiko human nga daghanang dalan ang magpatuman ug temporary closure.
Matud pa kang Police Senior Inspector Ma. Teresita Gaspan, Davao City Police Office (DCPO) spokesperson, ipatuman nila ang maximum deployment sa ilang mga personahe atol sa maong event.
Wala sumala pay tugtan nga motabok sa mga dalan nga gamiton sa event aron nga dili magbaton ug problema ang kompetisyon.
Gumikan kay usa kini ka international event ug laoman nga pipila sa mga partisipante mga celebrities, usa sumala pa sa mga hagit karon sa otoridad mao ang pagdagsa sa mga tawo. Aduna sab sumala pay augmentation gikan sa police provincial offices aron motabang sa pagpatuman sa kahusay ug kalinaw atol sa one-day event.
Magsugod ang deployment sa police personnel sa adlaw nga Biyernes, Marso 23.
