DAVAO CITY- Padayon nga nagpahimangno karon ang mga otoridad sa publiko nga mag-igmat gumikan sa dili maayong panahon sa dakbayan sa dabaw ingon man sa Davao Region.
Kahinumdoman nga kagahapong adlawa nakasinati og pagbaha ang pipila ka bahin sa syudad hinungdan nga pipila sab ka mga pamilya ang na trap.
Gawas niini, misaka sab ang mga kasapaan sa syudad butang nga mipahimangno ang mga otoridad nga dili magkumpyansa ilabi na kadtong mga nanimuyo duol sa landslide ug flood prone areas.
Hinuon, padayon sab nga naga monitor ang mga opisyales sa Barangay.
Samtang sa pikas bahin, nakasinati sab og kusog nga ulan ang kasikbit nga lugar gumikan nga miresulta sa kapin 500 ka punoan sa saging sa Brgy. San Isidro, Sta. Maria, Davao Occidental ang nadanyos gumikan sa kakusog sa hangin.
Samtang, usa ka balay ang natumbahan og punoan sa lubi sa Purok 7 Balwit Compound, Brgy. Kasuga, Magsaysay davao del Sur.
Samtang laing usa ka balay nga giturn-over sa National Housing Authority (NHA) sa Brgy. San Miguel ang partially damage human nga natumbahan og sanga sa kahoy gumikan sa nasinatiang maot nga panahon kagahapong adlawa.
