DAVAO CITY – Posibleng sugdang karong adlawa sa Scene of the Crimes Operatives (SOCO) ang otopsiya sa bukog sa nasunog nga NCCC Mall sa Maa ning siyudad. Kini aron nga masubay kung si kinsa ang biktima.
Kahinumduman nga hangtud karon, gikatingad-an pa gihapon sa otoridad kung si kinsa ang bukog nga narekober ilabi na nga na-claim na tanan sa ilang mga kabanay ang nasunog nga patay’ng lawas sa mga biktima.
Gibutyag sab ni SFO4 Ramil Gillado, Investigation and Intelligence Branch sa BFP-XI, nga sulod sumala pa sa unom ka bulan sukad nga nasunog ang Mall wala na matud pay pamilya nga miadto sa ilang buhatan aron nga mangita sa ilang kabanay nga nahilakip sa sunog.
Sa kasamtangan hulaton una nila ang mamahimong resulta sa eksaminasyon sa SOCO ayha nila ipahibalo kung si kinsa ang biktima. Nasayran sab kang SFO4 Gillado nga dihang gi-claim na sa ilang mga kabanay ang patay’ng lawas sa nasunog nga Mall, usa niini ang dugay nga narekober ug kini ang patay nga lawas ni Alexandra Moreno diin bugtong key chain ug gikanayong pipila ka parte sa lawas lamang ang nakuha sa otoridad.
Kung ugaling wala sa mga naunang naihap nga patay’ng lawas ang nanag-iya niini, posibleng ika-39 kini nga biktima sa sunog.
Una ng gibutyag sa opisyal nga kumpirmadong bukog sa tawo ang ilang narekober sa third floor sa stock room sa NCCC mall gumikan kay aduna kini bungo ug nauga nga mga unod.
Posible sumala pa nga na-suffocate lamang kini dihang nasunog ang Mall ug nadugta sulod sa pipila ka bulan gumikan kay wala matud pay timailhan nga nasunog kini.
