Gikumpirma sa Office of the Solicitor General nga mihangyo ang International Criminal Court kon ICC sa gobyerno sa Pilipinas aron makahinabi ang 5 ka kanhi ug aktbo nga mga opisyal sa Philippine National Police (PNP) nga nalambigit matud pa sa mga pagpatay atol sa war on drugs sa milabay nga Duterte administration.
Sumala kay Solicitor General Menardo Guevarra nga nadawat sa OSG ang maong request gikan sa ICC prosecutor ning buwan sa Hulyo.
Apan giinsister ni SG Guevarra nga subling mikalas ang Pilipinas gikan sa ICC niadtong 2019 maong wala na kini legal duty aron magbigyan pa ang unsa mang assistance sa ICC prosecutor sa pagbuhat niini og imbestigasyon.
Bisan pa man gipunting ni Guevara nga dili pugngan sa gobyerno sa Pilipinas ang ICC prosecutor sa pagpadayon sa mga proceso, sa unsa mang buot niini nga pamaagi.
Mamahimo matud pa nga direkta nga makahinabi sa ICC prosecutor ang persons of interest online o pinaagi sa phone o email o face to face nga subject matud pa nga adunay consent o pagtugot sa mga nalambigit nga indibidual.
Sumala pa sa oposyla nga nagsubmitar na ang OSG og mga rekomendasyon niini kay Pangulong Ferdinand Marcos Jr. kalabot sa hangyo sa ICC prosecutor apan wala pa naghatag og uban pang detalye ang Solicitor General.
Kahinumduman nga una ng gibutyag ni kanhing Sen, Antonio Trillanes IV nga adunay 5 ka suspek sa imbestigasyon sa ICC sa war on drugs diin gilangkuban kini sila Senador ug kanhing PNP Chief Ronald ‘Bato’ Dela Rosa, kanhing PNP Chief Oscar Albayalde, ROme Caramat Jr., Eleazar Mata, ug Edilberto Leonardo.
