DAVAO CITY – Andam na ang tanan alang sa Oplan Balik Eskwela, diin gikatakda ang pag-abli sa klase karong sunod semana.
Sumala pa kang DCPO Spokesperson Maj. Maria Theresita Plaza Gaspan mopahimutang sila ug tagduha ka mga police ug police auxiliary sa mga tulonghaan.
Mopahimutang sab ang DCPO ug Police Assistance Desk sa mga tulonghaan, lakip na ang Police Security Control Points, ug mga Police ug Police Auxiliary nga mao ang mokontrola sa dagan sa mga sakyanan.
Gihimo na sab sa DCPO ang security plan labi na sa mga dagko nga mga tulonghaan nga daghan kaayo ang mga tinun-an.
Una nang misalmot ang kapolisan sa DCPO sa gipahigayon nga Brigada Eskwela.
Gikatakda sab nga mang-apod-apod ug mga school supply ang dose ka mga police station sa dakbayan sa ilang pagpahigayon sa Oplan Kalinaw sa tagsa-tagsa nila ka mga area of responsibility (AOR).
