Nag-awhag sa publiko si Police Major Recheen Lagnayo, hepe sa Sta. Ana PNP nga gilayong mosumbong sa ilahang buhatan kung adunay pagpangabuso batok sa mga kababayen-an ug kabatan-unan.
Sumala pa sa opisyal nga kini ang angay nga buhaton sa mga adunay kasayuran sa maong krimen aron nga makasuhan ang responsabli sa krimen.
Unang gilusad sa Sta. Ana Police Station niadtong 2024 ang pagpatuman sa OPLAN AWARE(Arming Women and Children Against Rape and Exploitation) isip kabahin sa ilahang kampanya sa pagpanalipod sa komunidad ug pagpataas sa kahibalo sa publiko.
Ang maong operasyon nakatutok sa pagpalig-on sa seguridad sa katawhan pinaagi sa information drive, crime prevention awareness, ug community engagement.
Gikabutyag niini nga ang aktibong kooperasyon sa mga residente ug kapulisan maoy gikinahanglan nga buhaton aron mapugngan ang krimen ug mas mapadali ang pagresponde sa mga insidente sa lugar.
Sumala sa mga kapulisan nga mahinungdanon ang partisipasyon sa komunidad aron mas mapadayon ang “safe and secure environment” sa AOR sa Sta. Ana PNP.
