Mas gipakusgan pa karon sa Sta.Ana Police Station ang Oplan AWARE kon Arming Women and Children Againts Rape and Exploitation sa ilahang area of responsibility.
Sa tumong ug tinguha nga mapanalipdan ang mga kabataan ug mga kababainhan sa komunidad batok sa mga dili maayung binuhatan, gipagihayon ang usa ka re-orientation sa mga opisyal sa baranggay nga sakop sa kapulisan aron masayod kini sa ilahang duties and responsibilities ilabi na sa Baranggay Council For Protection of Children sa masaligan Hall sa Sta. Ana PNP. Atol sa maong aktibidad gitambungan kini ni Emelie Lumano ang Local Government Operation Officer 4 sa DILG nga nagpahigayon sa 21 ka mga barangays nga gilangkuban sa mga kapitan ug Women and Chidlren Protection Section nga sila PSSg Chavez and PCpl Gotera.
Mitambong usab ang hepe sa Sta.Ana PNP nga si PMaj.Lagnayo og gikanayon niini nga plano pa niyang pakusgon ang BPC sa baranggay sulod sa iyahang AOR gumikan kini sa mga nadawat sumala pa niini nga mga sumbong nga daghang minors nga nalambigit sa riot, kawat, pagpanglungkab, og iligal nga druga. Buot usab sa opisyal nga i-implementar ang mga balaod ug proteksyunan ang katungod sa mga kabatan-unan.
Dugang pa ni Lagnayo nga pasakahan ug kaso ang mga ginikanan o guardian nga nagpagsagad sa ilahang mga anak nga malambigit sa mga iligal nga binuhatan.Nasayran nga adunay usa ka case study assessment ang pagabuhaton sa PSI Sta.Ana ug DSWD ayha magduso og kaso sama sa parental neglegence ug abandonment kung adunay ma-rescue nga mga menor de edad kon mga Children In Conflicts with the Law kon CICL. Nasayran nga ang BCPC mao ang primary council sa baranggay aron hatagan og proteksyon ang mga katungod sa mga kabatan-unan.
