DAVAO CITY – Opesyal na nga gibuksan ang DAVRAA Meet 2018 nga mitambong sa opening ang pipila ka mga VIPs sama kang Senator Manny Pacquiao, Education Secretary Leonor Briones ug local chief executives gikan sa 11 ka mga DepEd divisions.
Nagsugod ang parada kaganinang alas dos sa hapon dayon misunod gilayon ang opening ceremony.
Samtang anaa na sa siyudad ang halos tanan nga mga delegado gikan sa Davao Occidental, Compostela Valley, Davao Oriental, ug Island garden City of Samal ingon man ang mga siyudad sa Mati, Panabo, Tagum ug Davao del Sur.
Kinatibuk-ang 8,000 ka mga PNP personnel, kasundalohan, volunteer police auxiliary ug uban pang security forces aron nga magpatuman ug seguridad sa Davao Region Athletic Association sports event nga magsugod karung adlawa hangtud na sa 23, 2018.
Una ng gibutyag ni Sr. Insp. Maria Teresita Gaspan, tigpamaba sa Davao City Police Office (DCPO) nga anaa sila sa full alert status ug bantayan nila ang tanan nga mga billeting areas ug event places aron nga mapabilin ang seguridad.
Kahinumduman nga gibutyag ni Mr. Jenelito Atillo, tigpamaba sa Department of Education (DepEd) XI, nga bulan pa sa Hulyo sa milabay nga tuig nila gipangandaman ang DavRAA kaabag ang mga hingtungdan nga ahensiya ug pribadong sectors.
