DAVAO CITY – Gisaway sa usa ka opisyal sa Mines and Geo-sciences Bureau Davao region ang kanselasyon sa 75 ka mga mining agreements dungan sa pagbutyag nga sukwahi sumala pa kini sa nahimong lakang ni Pangulong Rodrigo Duterte nga mapalambo ang industriyalisasyon.
Matud pa kang Wilfredo Moncano, acting director sa MGB 11 nga ang gipatuman nga closure hinay-hinay nga mipatay sa idustriya.
Kahinumduman nga una ng gibutyag ni environment Secretary Gina Lopez nga gihimo niya ang maong lakang aron nga protektahan ang kinaiyahan ug watershed nga sagad maoy maapektohan sa operasyon sa mina.
Kalakip sa gipasirad-an ang upat ka mga mining companies nga nahimutang sa Compostela Valley ug lima sa Davao Oriental.
Samtang gikalipay sa Panalipdan Southern Mindanao, ang desisyon sa DENR ug problema na matud pa kini sa mga mining firms ug dili sa mga tawo.
Gidayeg sab nila ang nahimong lakang ni Lopez ilabi na nga gibarugan niini nga sensero ang ahensiya sa pagprotekta sa kinaiyahan.
