DAVAO CITY – Gipasalig ni Konsehal Danilo Dayanghirang, nga magpagula ang City council ug safety ingon man health measures aron masiguro ang kaluwasan sa mga riders nga angkas sa motorsiklo.
Tipik lamang kini human nga aprubado na karon sa City Council ang ordinansa nga himuong legal ang operasyon sa motorcycle taxis (habal-habal) sa siyudad.
Kahinumduman nga sagad motorsiklo ang ginasakyan sa mga hilit nga lugar ilabi na kung walay mga pampasaherong sakyanan.
Apan gikanayon sa opisyal nga dili mamahimong mag-operate ang usa ka habal-habal kung dili niini kompletohon ang gikinahanglan nga rekisitos sama na lamang sa pagkuha niini ug Land Transportation Office registration ug official receipt sa habal-habal unit; adunay driver’s license ang driver; ug mobayad ug annual license fee sa City Treasurer’s Office nga kantidad sa P500, exclusive sa uban nga regulatory fees ug charges.
Angayan sab sumala pa nga covered ang driver ug mga pasahero niini sa insurance.
Gilangkuban kini sa compulsory third-party liability (CTPL) insurance, passenger’s common carrier insurance, ug uban pang insurance nga kalakip sa mga gipangayo sa ahensiya nga magpatuman niini.
Kinahanglan sab nga adunay protective motors helmets ang riders ug passengers o color-coded helmet sa mga rota nga i-determina sa City Transport and Traffic Management Office (CTTMO). Kadtong nga siyam ka tuig paubos, dili tugtan nga mosakay sa habal-habal.
Apan ang mga 9 yeard old hangtud 15 anyos kinahanglan nga adunay kauban kini nga ginikanan.
Ang mga makasupak sa maong ordinansa adunay ipahamtang nga multa hinungdan nga gipahimangnoan ang mga habal-habal driver nga angayang motamud niini.
