DAVAO CITY – Mamahimo na sa pagbayad ug buwis ang mga negosyante dinhi sa Davao City gamit ang GCash ug Paymaya pinaagi sa Development Bank of the Philippines portal isip usa sa mga options alang sa renewal sa Mayor’s Permit ning tuig 2023.
Gikanayon ni Davao City Treasurer Atty. Lawrence ilang gilauman nga magamit kining online platform sa mga taxpayers diin dali makaproseso sila sa matag transaksyon sama sa application, pagbayad, hangtud pagpa-isyu sa ilang business permit.
Una na kining giimplementa sa milabayng tuig diin adunay gitagana nga mga personahe ang opisina nga mutan-aw sa mga online applications.
Alang sa buot mag-renew sa ilang business permit gamit ang online payment option, bisitaha ang website nga: appbts.davaocity.gov.ph.
Mamahimo sab nga magproseso sa ilang taxes ug regulatory fees pinaagi sa mga websites sa DBP ug Landbank.
Sa pikas bahin, gilauman sa CTO ang taas nga buwis gikan sa mga negosyante karong tuig gumikan sa paghawan sa COVID19 restrictions.
Tungod niini, giablihan na ang 10 ka mga processing sites sa matag distrito dinhi sa dakbayan alang sa face-to-face transactions.
Abli an SP Building alang sa taga-Poblacion; Almendras Gym alang sa taga-Talomo ug Agdao; NCCC Mall Buhangin alang sa taga- Buhangin; ug mga District Treasury Offices sa ilang tagsa-tagsa ka distrito.
Target sab karon sa CTO nga makakolekta ug P2 billion sa business tax karong tuig 2023; kon P400 miilion increase gikan sa P1.6 billion target niini sa miaging tuig.
Matud pa ni Bantiding, mao kini ang mahinungdanon nga period sa siyudad aron makab-ot ang gilaumang target tungod naglangkub sa 41 percent sa local taxes collection ang business permit taxes dinhi sa dakbayan.
Nag-awhag sab ang opisina ngadto sa mga negosyante nga magbayad ug sayo aron malikayan ang dugang nga bayrunon.
via || Bombo LJF
