Nadismaya ang Catholic Bishops’ Conference of the Philippines (CBCP) sa State of the Nation Address (SONA) ni Pangulong Ferdinand Marcos Jr.
Matod ni Rev. Fr. Jerome Secillano, Executive Secretary sa CBCP Episcopal Commission on Public Affairs, nga wala nila nadungog sa SONA ang ilang gipaabot nga lihok unta sa Pangulo batok sa nagkadaghan nga kaso sa online gambling.
Iyang gi-insister nga unta gipasiugda na lang sa Pangulo ang pagbatok sa online gambling tungod kay daghang kabatan-onan ang naadik niini.
Dili unta kini pasagdan nga isyu sumala pa niini, tungod daghang pamilya na ang naguba gumikan sa online gambling.
Kahinumduman nga kadaghan na usab nga nanawagan ang CBCP sa gobyerno nga supakon gayud ang online gambling tungod sa dautang epekto niini sa pamilya.
