DAVAO CITY – Gitino Davao city Mayor Inday Sara Duterte-Carpio nga 1 strike policy karon ang ordinansa kalabot sa mga tindahan nga pugsanon pa gihapon nga mamaligya ug ilimnon nga makahubog luyo sa gipagula nga Executive order sa Davao LGU.
Sumala pa sa Mayor kung natapos na ang duha ka botelya sa gi-serve nga alak, dili na kinahanglan nga mohangyo pa sa tindera nga dungagan aron nga makalikay sab sa disgrasya. Nasayran sab opisyal nga kung mapamatud-an sa vices regulation unit ang salaod nga nahimo sa tindahan, diretso na kini nga pasirad-an sa ahensiya. Subli sab nga gibutyag niini nga ginadili ang pag-serve ug alak sa mga sari-sari store nga maoy hinungdan sa pagtapok-tapok. Una ng gitino sa Mayor nga ang pagtangtang sa liquor ban tipik lamang aron nga hinay-hinay na nga makabalik ang susama nga negosyo.
