DAVAO CITY – Wala pa maila kung kinsa ang mga ginikanan sa batang lalaki nga one day old hangtud two days old nga gibilin sa balay sa magti-ayong Juan ug Pelekula Requillo sa Durian Village, Calinan, ning dakbayan sa Davao alas 5:53 kaganinang buntag.
Kahinumduman nga nakurat na lamang ang magti-ayong Requillo human nila makita ang batang lalaki nga giputos ug lampin ug dunay tapad nga cellophane nga naundan sa mga gamit sa bata nga gibutang sa Bermuda lawn sa gawas sa gate sa ilang balay.
Sumala pa kang Juan Requillo samtang nagtan-awm sa gawas kung duna bay silhigon sa gate sa ilang bahay labi na hugaw sa iro, apan mao iyang nakita ang mga lampin nga pagtuo niya ug mga silhigon, apan sa iyang pagsusi bata ang iyang nakit-an nga galihok-lihok pa.
Gibana-bana nga 1 day old hanggang 2 days old ang nakaplagtan nga bata. Gilayon nga nakig-alayon sa Rescue 911 nga dali nga mi-abot sa dapit uban sa Calinan PNP.
Samtang sumala pa kang PO1 Ivy Ogos, sa Wowen and Children’s Protection nga na-abtan pa nila ang bata nga naghilak nga daw mitug-an sa kapolisan sa iyang gidangatan sa kamot sa iyang kaugalingon nga inahan.
Gikahulagway kini nga himsog ang panglawas apan bata pa aron nga paqsagdan nga mag-inusara sa gawas sa balay.
