DAVAO CITY – Hugtanon nga gipanghimakak ni Atty. Rodolfo Elman, Deputy Ombudsman for Mindanao nga may kalabotan siya sa pagpagawas sa minilyon ka pesos nga transaksyon sa pamilyang Duterte gamit ang gika-ingong impormasyon gikan sa AMLC.
Sumala pa kang Atty. Elman nga wala gayud siyang kasayuran niini gumikan kay nia man siya sa Mindanao, samtang si Atty. Arthur Carandang mao ang overall deputy ombudsman nga mao ang mipagula niini.
Gikahibulong sab ni Elman ngano nga nahi-apil ang iyang pangalan sa mga gikasohan sa mga abogado ni Pangulong Rodrigo Duterte.
Dugang pa ni Atty. Elman nga ang ilang pagpanerbisyo sa Ombudsman wala’y pagpili gumikan kay dili man sila political party.
Nakita sab nila nga ang ilang pagpanerbisyo tinarong, labi na dinhi sa Mindanao.
Gitataw niya nga natural lamang gayud nga ikasuko ni Pangulong Rodrigo Duterte ang mga pagpangdaut nga wala’y igo nga basihan.
Gipuno pa niya nga ang serbisyo sa Ombudsman pinasikad sa gimbut-an sa batakang balaod sa nasod.
