DAVAO CITY – Nakahinabi pagbalik sa Bombo Radyo Davao ang kababayan nga kasamtangang nagpuyo karon sa nasud Croatia nga si Xersis Ravarra.
Kahimundumang ekslusibong gisaysay niini sa Bombo Radyo Davao ang iyang kasinatian diin pila ka bulan na siyang nagpuyo sa nahisgutang nasud gumikan nabiktima sa illegal recruiting.
Gikanayon ni Xersis nga nakig-istorya na siya sa embahada sa Pilipinas aron mapadangat ang ilang mulo uban sa mga na-stranded nga mga overseas workers gikan Qatar.
Napadangat na sab sa Bombo Radyo Davao ang maong problema ngadto sa bag-ohay lang natukod nga Department of Migrant Workers.
Laraw karon ni Xersis nga magpuyo ug manarbaho na lamang sa Pilipinas kung makakita kini og oportunidad.
Sa pagkakaron, wala pay kapangitaan og pagpangwarta si Xersis gumikan sa kawad-on sa trabaho og panginabuhian.
Apan, ubay-ubay na sab ang mga tawo nga nagatabang kaniya ug sa iyang mga kaubanan pinaagi sa financial assistance alang sa pang adlaw-adlaw nga panginahanglanon.
Nahimong mechanical engineer si Xersis sa nasud Qatar ayha kini natanggong karon sa Croatia sulod sa pila ka bulan human siya nabiktima sa kapwa kababayan nga illegal recruiter.
Kasamtangang gilauman pa ang mamahimong aksyon sa bag-ong buhatan pinaagi sa bag-ong sekretarya nga si Susan Ople aron matabangan ang atong kababayan nga makauli diri sa nasud.
Via || LJ Florendo
