Midangop sa Bombo Radyo Davao si Jaynuden Aurena nga taga-Davao Oriental gumikan kay ang igsuon niini nga si Rosalie Saude nga nanarbaho sa Saudi Arabia gibilanggo sa daw tangkal sa baboy human abusohan sa iyang agalon nga Arabo.
Gisaysay ni Jaynuden nga Enero 15 mibiya gikan dinhi sa nasod ang iyang igsuon ug pagka-petsa dese sais nakatrabaho na ang iyang manghud, apan ang amo sumala pa niini nga lalaki mi-abuso kaniya ug kinagunitan ang iyang prebadong bahin sa lawas.
Kini ang hinongdan nga mihangyo ang biktima nga mobalik sa iyang ahensya. Natahap ang mga biktima nga nabaligya sila ug pelegroso na ang ilang kahimtang.
Sumala pa nga human kuhaa sa iyang ahensya, gikulong siya karon sa daw tangkal sa baboy, diin sa sulod niini anaa ang mokabat ngadto sa walo ka mga kababayen-an nga labihang niwanga na nga gilakipan sa mga taga-Gensan, Cateel ug Boston nga iyang naka-uban didto.
Nakahinabi lamang sa biktima ang iyang igsuon gumikan kay ang usa sa ilang mga kauban dunay natagu-an nga cellphone sa malong.
Nanganti ang mga suspek nga patyon ang nasakpan nga mosulay sa pag-kontak dinhi sa Pilipinas.
