DAVAO CITY – Padayong gimonitor sa Office of the Civil Defense (OCD) – Davao ang posibleng epekto sa magnitude 6.4 nga linog nga mitay-og sa Sarangani, Davao Occidental bag-ohay lamang. Gikanayon sa Department of Science and Technology-Philippine Institute of Volcanology and Seismology (DOST-PHIVOLCS) nga walay lauman nga mga aftershocks apan dili angayang magpakumpyansa ang mga residente nga nanimuyo sa mga kabukiran gumikan sa sunod-sunod nga pagtay-og nga nasinatian sa miaging mga semana ug mga pag-ulan. Matud pa, dili layo nga adunay matigayong paglihok sa yuta nga muresulta sa pagdahili sa yuta. Samtang, bisan medyo kusog ang magnitude 6, dili matud pa kini muresulta og tsunami gumikan lalom ang gigikanan sa linog nga anaay gilawong 144 ka kilometros.
