DAVAO CITY – Mihatag ug katin-awan si Department of the Interior and Local Government (DILG) Regional Director Alex Roldan nga wala sumala pay plano ang mga sakyanan nga mogawas sa rehiyon sa sugyot nga “odd-even” number scheme sa mga plate numbers sa mga sakyanan nga mosulod sa dakbayan.
Kahinumduman nga gawas sa planong “semi-closed border” sa Davao region buot sab ni Mayor Inday Sara Duterte-Carpio nga limitahan ang mga pribadong sakyanan nga mosulod sa siyudad isip nag-una pa gihapon nga lakang aron nga mapugngan ang posibleng pagsaka sa kaso sa covid-19.
Gitataw ni Roldan nga buot ni Mayor Inday nga mga nahinungdanon nga lakaw lamang ang pasudlon o exempted sa proposed coding siyudad sama sa emerhensiya, pagpatambal, ug uban pang “humanitarian consideration”.
Hinuon ma luag na matud pa karon ang monitoring sa mga pribadong sakyanan nga mosulod ug mogawas sa siyudad kung itandi kaniadto.
Una ng gibutyag ni Davao City Mayor Inday Sara Duterte-Carpio nga ang nahisgutan nga apela ang base sa rekomendasyon sa Department of Health-Davao Region nga ipatuman ang hugtanon nga screening measures sa border checkpoints.
Sa higayon nga ma-aprubahan, makigkambigit sila sa Philippine National Police aron nga ipahibalo ang mga gikinahanglan nga mga rekisitos sa mga buot mosulod sa rehiyon.
