DAVAO CITY – Hugtanon ang pahimangno sa Office of Civil Defense (OCD) Eleven ngadto sa katawhan nga kanunay nga mamahimong igmat ug mainampingon karon nga mi-abot na ang kapanahonan sa mga pag-ulan nga sagad mosangpot sa lalum nga mga pagbaha.
Sumala pa lang Leslie Francisco, Information Officer sa Office of Civil Defense (OCD) – 11 angay gayud nga motamod ang katawhan sa ginapatuman nga pre-emptive evacuation gumikan kay kung anaa na gayud ang katalagman mas daku na ang kahigayonan sa pagkakalas sa kinabuhi sa mga residente o sa mismong kinabuhi sa nga rescuers.
Sumala pa kang Francisco ang kusog nga pag-ulan nga miigo sa dakbayan karong panahon resulta sa thunderstorm.
24/7 nga abli ang operation center sa OCD-11, lakip na ang Davao City Disaster Risk Reduction Management Center (CRRMC) tumong niini nga maluwas ang mga residente nga anaa sa katalagman.
Gitataw sa OCD-11 nga ang baha sa mga highly urbanized city sama sa Davao daw normal na lamang gawas pa sa mga river system nga ang uban gikan pa sa mga lugar sama sa lalawigan sa Bukidnon.
Ang angayan lamang himoon sa mga taga-Davao mao ang pagseguro sa ilang kaluwasan.
