DAVAO CITY – Paspas nga nagpatala sa iyang reklamo sa Sta. Ana Police Station ang usa ka nurse sa pampublikong tunghaan dinhi sa dakbayan sa Davao human nga gibastos siya sa iyang nakatagbo nga lalaki pinaagi sa pagpakita sa kinatawo niini.
Nahitabo sumala pa ang insidente sa Garnet Street, Barangay Paciano Bangoy, Agdao District, ning dakbayan sa Davao.
Matud pa kang Alyas Michellle , 27, nag-abang sa boarding house sa Barangay Paciano Bangoy samtang nagbaktas siya pauli sa iyang boarding house ug nagkaon ug burger, natagbuan niya ang usa ka lalaki ug gihan-ayagan sumala pa siya niini nga ipalaman sa iyang gikaon ang iyang kinatawo hinungdan nga mibati kini ug kahadlok ug nagpatala gilayon sa iyang reklamo.
Gisubay na sab sa mga Barangay officials sa lugar ang nahisgutan nga insidente aron nga mailhan ang maong suspek.
