Gikumpirma sa Israel nga ilahang giigo ang duha ka nuclear facilities sa Iran pipila ka oras human sila mipahimangno nga palapdan pa ang ilang mga pag-atake.
Sumala sa Atomic Energy Organization of Iran, gitarget ang Shahid Khondab Heavy Water Complex sa Arak ug ang Ardakan yellowcake production plant sa Yazd Province. Hinuon walay natala nga casualties ang maong strike ug walay hulga sa kontaminasyon.
Nasayran nga ang Arak plant dili na aktibo sukad giatake kini sa Israel niadtong Hunyo, samtang ang yellowcake production plant usa ka concentrated nga porma sa uranium human tangtangon ang mga impurities gikan sa raw ore.
Samtang, mipahigayon gilayon og balos ang Iran, diin giingon ni Abbas Araghchi nga ilahang pabayran og “bug-at nga kantidad” ang Israel sa gihulagway nilang krimen.
Sa ulahi, gipahibalo sa Iran nga ilahang giigo ang base militar sa Estados Unidos sa Saudi Arabia.
Ang pag-atake sa Prince Sultan Air Base nakaangol og 10 ka sundalong Amerikano, ug duha niini nakabaton og grabe ang kahimtang, sumala sa mga opisyal sa US nga kahibalo sa sitwasyon.
Nadaut usab ang pipila ka refueling aircraft tungod sa maong pag-atake.
