DAVAP CITY – Nanawagan ang National Telecommunications Commission (NTC-XI) ngadto sa mga kabatan-onan nga dili na hulaton nga dalhon ang ilang mga apohan ngadto sa mga remote areas aron didto magparehistro sa ilang mga SIM CARDS.
Sumala ni NTC-XI regional director Nelson Canete nga sagad ilang namatikdan sa ilang registration roll out puros mga senior citizen nga walay mutabang kanila ug kadtong mga keypad ang selpon. Sumala ni Canete, nga ning kasamtangan, 38 million pa lamang ang nakarehistro gawas sa target nga 117 million Sim Subscribers.
Samtang matud ni Canete nga ang Rehiyon-XI, ika-duha gikan sa Rehiyon 6 o Iloilo ang natabangan sa Remote Sim Card Registration. Gibutyag usab ni Canete nga dunay panagtigom sila himoon sa City Hall tungod laraw usab nga mupahigayon og SIM Registration Roll out sa mga barangays dinhi sa Davao city.
Gikatakda usab nga mupahigayon og remote SIM CARD Registration Roll out sa Matanao, Davao Del Sur karong Marso 8, samtang Marso 9 sa Bansalan Davao Del Sur, Marso 10 sa Magsaysay Davao Sel Dur, diin mao kini ang kataposan una pa man mupahigayon og unom ka adlaw nga Registration roll out sa probinsya sa Davao Oriental.
Nanawagan na lamang ang NTC ngadto sa publiko nga siguradohon usa nga iparehistro ang ilang mga SIM CARDS sa ilang mga tagsa-tagsa nga mga network providers aron malikay kini sa deactivation una pa man Abril 26, 2023.
