DAVAO CITY – Nagpahimangno karon ang National Telecommunication Commission 11 nga magsugod na karong Disyembre 27 karong tuiga ang pagparehistro sa SIM card sa mga mga telco subscibers subay sa giarprubahang Republic Act no. 11934 o Sim Card Registration Act.
Gikanayon ni NTC 11 Regional Director Nelson Cañete, atol sa pakighinabi sa Bombo Radyo Davao, nga una na kining gianunsyo sa mga nagkandaiyang telco aron masayod ang katawhan sa SIM Registration.
Sakop sab niini ang mga menor de edad nga nanginahanglan ug consent sa ilang ginikanan kon guardian nga mamahimo sab responsable kon ugaling magamit ang ilang numero sa mga dautang kalihukan.
Gipasabot sa NTC 11 nga kadtong mga subscribers nga nabiktima sa mga krimen sama sa snatching, ingon man na missing ug namisplaced nga mga selpon nga dunay rehistradong SIM card, kinahanglan ireport gilayon kini ngadto sa service provider aron kini ma deactivate ug dili gamiton sa daotan ang imong number.
Dugang sab sa ahensya nga magsugod na ang mandatory registration alang sa mga bag-ong palit nga SIM cards aron dili kini dayon ma-deactivate.
via || Bombo HJR & Bombo LJF
