DAVAO CITY – Gi-angkon sa National Telecommunications Commission Davao Region (NTC-Davao) nga dili pa andam ang rehiyon alang sa online classes gumikan sumala pa sa hinay nga internet connectivity sa pipila ka mga rural areas ingon man ang kawad-on ug mga cell towers.
Kahinumduman nga ang Online classes usa sa mga Learning Delivery Modalities alang sa School Year 2020-2021.
Sumala pa kang NTC-Davao Regional Director Nelson Cañete, nakiglambigit na matud pa ang ilang buhatan sa Department of Information and Communications Technology (DICT) ingon man sa Department of Education (DepEd) aron nga tun-an ang tukma nga mga lakang alang sa online class.
Gani karong panahon sa pandemic, misaka sab ang paggamit sa internet.
Gisaway sab niini ang telecommunication companies kung nganong walay mga cell towers sa pipila ka mga rural areas nga usa sa ilang mga obligasyon isip kabahin sa ilang franchises.
Gitataw sab sa opisyal nga ang slow connectivity masolusyonan lamang kung adunay kooperasyon tali sa komunidad.
Atol sumala pa sa office hours o class hours, angayan matud pa nga likayan ang paggamit ug apps aron matutokan ang edukasyon ug office-related works.
Gitataw sab sa NTC regional director nga ang signals ang available na sa urban areas samtang ang pipila ka mga telecommunication companies ang nag-asikaso na ang pag-proseso alang sa pagpalapad na sa ilang serbisyo.
